Ótken táýlikte Olimpiadada taǵy 21 adamnyń koronavirýsqa tapsyrǵan testi oń nátije kórsetti, dep habarlaidy Habar24kz saity.
Sóitip, dúbirli doda qatysýshylary men delegattary arasyndaǵy virýs juqtyrý oqiǵalary 250-ge taiap qaldy.
Jalpy shara ótip jatqan Tokio halqy arasynda virýs juqtyrǵandar kóp. Osyǵan bailanysty tótenshe jaǵdai tártibi 31 tamyzǵa deiin uzartyldy. Sońǵy kezde qalada ahýaldyń nasharlaýy Olimpiadamen bailanysty degen áńgimeler aitylyp júr. Alaida osy kúnge deiin shara qatysýshylarynan jergilikti turǵyndarǵa indettiń juǵý deregi tirkelmegen.
Mamandardyń túsindirýinshe, bárine «delta» shtamy sebep. Sondai-aq vaktsinalaý naýqanynyń baiaý júrýi de áser etken bolýy múmkin.
«Bilik virýstyń taralýyn tejeý úshin tótenshe jaǵdai tártibin uzartty. Alaida onyń paidasy shamaly siiaqty. Óitkeni bul tártipke qaramastan meiramhanalar jumys istep tur. Adam kóp. Menińshe, bilik turǵyndardyń júris-turysyn shekteýi kerek. Múmkin sonda bul shara óz tiimdiligin kórsetetin shyǵar», - deidi jergilikti turǵyn Naoki Tamýra.
