ٶتكەن تەۋلٸكتە وليمپيادادا تاعى 21 ادامنىڭ كوروناۆيرۋسقا تاپسىرعان تەستٸ وڭ نەتيجە كٶرسەتتٸ, دەپ حابارلايدى حابار24kz سايتى.
سٶيتٸپ, دٷبٸرلٸ دودا قاتىسۋشىلارى مەن دەلەگاتتارى اراسىنداعى ۆيرۋس جۇقتىرۋ وقيعالارى 250-گە تاياپ قالدى.
جالپى شارا ٶتٸپ جاتقان توكيو حالقى اراسىندا ۆيرۋس جۇقتىرعاندار كٶپ. وسىعان بايلانىستى تٶتەنشە جاعداي تەرتٸبٸ 31 تامىزعا دەيٸن ۇزارتىلدى. سوڭعى كەزدە قالادا احۋالدىڭ ناشارلاۋى وليمپيادامەن بايلانىستى دەگەن ەڭگٸمەلەر ايتىلىپ جٷر. الايدا وسى كٷنگە دەيٸن شارا قاتىسۋشىلارىنان جەرگٸلٸكتٸ تۇرعىندارعا ٸندەتتٸڭ جۇعۋ دەرەگٸ تٸركەلمەگەن.
مامانداردىڭ تٷسٸندٸرۋٸنشە, بەرٸنە «دەلتا» شتامى سەبەپ. سونداي-اق ۆاكتسينالاۋ ناۋقانىنىڭ باياۋ جٷرۋٸ دە ەسەر ەتكەن بولۋى مٷمكٸن.
«بيلٸك ۆيرۋستىڭ تارالۋىن تەجەۋ ٷشٸن تٶتەنشە جاعداي تەرتٸبٸن ۇزارتتى. الايدا ونىڭ پايداسى شامالى سيياقتى. ٶيتكەنٸ بۇل تەرتٸپكە قاراماستان مەيرامحانالار جۇمىس ٸستەپ تۇر. ادام كٶپ. مەنٸڭشە, بيلٸك تۇرعىنداردىڭ جٷرٸس-تۇرىسىن شەكتەۋٸ كەرەك. مٷمكٸن سوندا بۇل شارا ٶز تيٸمدٸلٸگٸن كٶرسەتەتٸن شىعار», - دەيدٸ جەرگٸلٸكتٸ تۇرعىن ناوكي تامۋرا.
