Mádeniet jáne sport ministri Aqtoty Raiymqulova XXXII jazǵy Olimpiada oiyndarynyń kórsetilimin uiymdastyrý jumystary áli pysyqtalyp jatqanyn aitty, dep habarlaidy "Ult aqparat".
Áýeli Aqtoty Raiymqulova biylǵy Olimpiadaǵa baratyn sportshylarmen qosa delegatsiialardyń sany da qatty qysqarǵanyn aityp ótti.
«Búgingi ahýal dúniejúzi boiynsha kúrdeli bolyp tur. Sondyqtan resmi delegatsiianyń da sany qysqardy. Mysaly burynǵy jyldary árbir sportshynyń jeke bapkeri birge baratyn edi. Qazir olardyń sany da qysqartylyp jatyr. Resmi delegatsiianyń da sany qysqarǵan. Kim-kimniń baratyny áli de naqtylanyp jatyr», - dedi vdeomstvo basshysy.
Ministrdiń aitýynsha, 16 shildede «Air Astana» ushaǵymen qurama komandanyń birinshi reisi Tokioǵa ushady. Al ekinshi reis 27 shildede shyǵýy kerek.
«Oiyndardyń kórsetilimi boiynsha Ulttyq Olimpiada komitetimen kúndelikti kelissózder júrip jatyr. Úmitimiz bar. Ulttyq arnalardan bolsyn, sporttyq arnalaran bolsyn Olimpiadany kórsetý boiynsha jumystarymyzdyń qorytyndysyn kóremiz dep oilaimyn», - dedi Mádeniet jáne sport ministri.
