Tokio qalasy Meditsinalyq qaýymdastyǵynyń basshysy Harýo Odzaki jazǵy Olimpiada oiyndaryn qaýipsiz ótkizilýin qamtamasyz etý úshin Japoniia astanasynda táýlik ishinde COVID-19 juqtyrý oqiǵalarynyń shekti sany 100-den aspaýy kerek dep sanaidy. Bul týraly ol beisenbi kúni Asahi Shimbun gazetine bergen suhbatynda málim etti.
Odzakidiń aitýynsha, tótenshe jaǵdaidyń qazirgi rejimi aldyn ala josparlaǵandai, 31 mamyrda toqtatylatyn bolsa, onda eshqandai nátijege qol jetpeidi.
«Eger oqiǵalar sanynyń ósimi 300-400 deńgeiinde bolǵanda TJ rejimi joiylsa, kelesi eki aida indet juqtyrýdyń jańa tolqyny bastalýy yqtimal. Oqiǵalar sanynyń ósimin táýligine 100-ge jetkizýge jetý úshin, TJ rejimin maýsymnyń sońyna deiin uzartyp, adamdardyń júrýine shekteý qoiý kerek», - dep qosyp ótti meditsinalyq qaýymdastyq basshysy.
Sońǵy málimetter boiynsha, qazirgi kezde Japoniiada virýs juqtyrý jaǵdailarynyń jalpy sany 667 myńnan asqan, 11,2 myńnan astam adam qaitys boldy.
Aita ketsek, Tokiodaǵy Olimpiada oiyndary 2020 jyldyń 24 shildesinen bastap 9 tamyzǵa deiin bolýy tiis edi. Pandemiia sebebimen jarystar bir jylǵa keiinge qaldyrylyp, 2021 jylǵy 23 shilde men 8 tamyz aralyǵynda ótkiziletin boldy.
