Qazaqstandyq tennisshi Elena Rybakina Tokio Olimpiadasynda júldeden qaǵyldy, - dep habarlaidy "Ult aqparat".
Elena Rybakina qola medal úshin matchte ýkrainalyq Elina Svitolinaǵa qarsy oinady. Tartysta oiynda qarsylas jeńiske jetti. Esep: 6:1, 6:7, 4:6.
Eske salaiyq, buǵan deiin 29 shildede Rybakina jartylai finalda shveitsariialyq Belinda Benchichpen kezdesken bolatyn. Birinshi sette qazaqstandyq tennisshi 5:2 esebimen jeńip jatyp, 6:7 esebimen jeńildi. Al ekinshi sette Rybakina qarsylasynan 6:4 esebimen basym tústi. Biraq qazaqstandyq tennisshi úshinshi sette qarsylasyna 3:6 esebimen jol berdi. Match 2 saǵat, 46 minýtqa sozyldy.
Búginde Qazaqstan qorjynynda úsh medal bar. Dziýdoshy Eldos Smetov, aýyratletter Igor Son men Zúlfiia Chinshanlo qola medal ielengen bolatyn.
