توكيو وليمپياداسى: رىباكينا جٷلدەدەن قاعىلدى

قازاقستاندىق تەننيسشٸ ەلەنا رىباكينا توكيو وليمپياداسىندا جٷلدەدەن قاعىلدى, - دەپ حابارلايدى "ۇلت اقپارات".

ەلەنا رىباكينا قولا مەدال ٷشٸن ماتچتە ۋكراينالىق ەلينا سۆيتوليناعا قارسى وينادى. تارتىستا ويىندا قارسىلاس جەڭٸسكە جەتتٸ. ەسەپ: 6:1, 6:7, 4:6.

ەسكە سالايىق, بۇعان دەيٸن 29 شٸلدەدە رىباكينا جارتىلاي فينالدا شۆەيتسارييالىق بەليندا بەنچيچپەن كەزدەسكەن بولاتىن. بٸرٸنشٸ سەتتە قازاقستاندىق تەننيسشٸ 5:2 ەسەبٸمەن جەڭٸپ جاتىپ, 6:7 ەسەبٸمەن جەڭٸلدٸ. ال ەكٸنشٸ سەتتە رىباكينا قارسىلاسىنان 6:4 ەسەبٸمەن باسىم تٷستٸ. بٸراق قازاقستاندىق تەننيسشٸ ٷشٸنشٸ سەتتە قارسىلاسىنا 3:6 ەسەبٸمەن جول بەردٸ. ماتچ 2 ساعات, 46 مينۋتقا سوزىلدى. 

بٷگٸندە قازاقستان قورجىنىندا ٷش مەدال بار. دزيۋدوشى ەلدوس سمەتوۆ, اۋىراتلەتتەر يگور سون مەن زٷلفييا چينشانلو قولا مەدال يەلەنگەن بولاتىن.