Japoniia astanasy Tokio qalasynda ótip jatqan Olimpiada oiyndarynda aýyr atletikadan qazaqstandyq Igor Son qola júldeger atandy, dep habarlaidy "Ult aqparat".
Ol 61 keli salmaqta synǵa tústi. Oǵan Iýli Iravan (Indoneziia), Abdýrahim Alsalim (Saýd Arabiiasy), Kim Týan Tach (Vetnam), Shota Mishvelidze (Grýziia), Eichi Itokazý (Japoniia), Fabin Li (Qytai), Chan-Hýn Kao (Taibei), Davide Rýiý (Italiia) qarsylas atandy.
Qazaqstandyq aýyr atlet qossaiystyń nátijesinde 294 (131+163) kelini baǵyndyrdy. Al, qytailyq Fabin Li altyn alsa, indoneziialyq Iýli Iravan kúmisti mise tutty.
22 jastaǵy Igor Son - Almaty oblysy Úshtóbe qalasynyń týmasy. 2019 jyly álem chempionatynda kúmis medal ielengen.
Aita keteiik, aýyr atletikadan 55 kelide qyzdar arasynda Zýlfiia Chinshanlo el namysyn qorǵaidy.
Biyl dúbirli dodada 33 sport túrinen 339 medal jiyntyǵy sarapqa salynady. Aitýly alamanǵa jer betindegi 206 memleketten 11 myńnan astam sportshy qatysýda. Qazaqstandyq 97 sportshy kúnshyǵys elinde sporttyń 28 túrinen baq synaidy.
Eske salsaq, Tokio Olimpiadasy 23 shildede bastaldy. Ol 8 tamyzda máresine jetedi. Buǵan deiin Qazaqstan quramasy alty Jazǵy Olimpiadada baq synady. Jalpy alǵanda 21 altyn, 28 kúmis, 64 qola medal aldy.
