جاپونييا استاناسى توكيو قالاسىندا ٶتٸپ جاتقان وليمپيادا ويىندارىندا اۋىر اتلەتيكادان قازاقستاندىق يگور سون قولا جٷلدەگەر اتاندى, دەپ حابارلايدى "ۇلت اقپارات".
ول 61 كەلٸ سالماقتا سىنعا تٷستٸ. وعان يۋلي يراۆان (يندونەزييا), ابدۋراحيم الساليم (ساۋد ارابيياسى), كيم تۋان تاچ (ۆەتنام), شوتا ميشۆەليدزە (گرۋزييا), ەيچي يتوكازۋ (جاپونييا), فابين لي (قىتاي), چان-حۋن كاو (تايبەي), داۆيدە رۋيۋ (يتالييا) قارسىلاس اتاندى.
قازاقستاندىق اۋىر اتلەت قوسسايىستىڭ نەتيجەسٸندە 294 (131+163) كەلٸنٸ باعىندىردى. ال, قىتايلىق فابين لي التىن السا, يندونەزييالىق يۋلي يراۆان كٷمٸستٸ مٸسە تۇتتى.
22 جاستاعى يگور سون - الماتى وبلىسى ٷشتٶبە قالاسىنىڭ تۋماسى. 2019 جىلى ەلەم چەمپيوناتىندا كٷمٸس مەدال يەلەنگەن.
ايتا كەتەيٸك, اۋىر اتلەتيكادان 55 كەلٸدە قىزدار اراسىندا زۋلفييا چينشانلو ەل نامىسىن قورعايدى.
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
ەسكە سالساق, توكيو وليمپياداسى 23 شٸلدەدە باستالدى. ول 8 تامىزدا مەرەسٸنە جەتەدٸ. بۇعان دەيٸن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن, 28 كٷمٸس, 64 قولا مەدال الدى.
