Japoniia premer-ministri Sindzo Abe men Halyqaralyq olimpiada komitetiniń basshysy Tomas Bah telefon arqyly áńgimede biylǵy Tokio olimpiadasyn kelesi jylǵy jazǵa shegerýge kelisken. Bul týraly 24 naýryzda Abe málimdedi.
Japoniia biligi HOK-tan koronavirýsqa bailanysty Tokio olimpiadasyn bir jylǵa shegerýdi suraǵan.
VVS saitynyń habarlaýynsha, HOK olimpiadany shegerýdi jaqyn ýaqytta resmi túrde jariialamaq.
Buǵan deiin Kanada, Avstraliia, Ulybritaniia HOK-tan olimpiadany keiinge shegerýdi talap etken. Olar Tokio oiyndary 24 shildede bastalsa, sportshylaryn jibermeitinin málimdegen.
Tokio olimpiadasy 24 shilde - 9 tamyz arasyna josparlanǵan. Olimpiada oiyndary buǵan deiin tek soǵys kezinde ótpei qalǵan.
Álemde Covid-19 koronavirýsy 380 myńnan astam adamǵa juqty. Qaza bolǵandar sany 16 myńnan asyp ketti. Virýs 190-nen astam elge tarady. 100 myńnan astam adam dertten aiyqqan.
