Japoniia astanasy Tokio qalasynda ótip jatqan Olimpiada oiyndarynda qazaqstandyq tennisshi Iaroslava Shvedova jarysty jalǵastyrýdan bas tartty, dep habarlaidy "Ult aqparat".
Jarystyń alǵashqy satysynda ol avstraliialyq Aile Tomlianovichpen kezdesken bolatyn. WTA reitingisinde Ia. Shvedova 454-orynda tursa, qarsylasy 51-orynǵa jaiǵasqan.
Qazaqstandyq tennisshi birinshi sette qarsylasyna 5:7 esebimen jeńildi. Ekinshi sette 2:3 esebi tirkelip turǵan mezette qazaqstandyq sportshy jarysty jalǵastyrýdan bas tartty.
Osylaisha, Iaroslava Shvedova Tokioda Olimpiadasynda matchin aiaqtamaǵan úshinshi qazaqstandyq tennisshi bolyp otyr. Buǵan deiin Zarina Diias pen Iýliia Pýtintseva da matchin aiaqtamaǵan edi.
Aita keteiik, qazaqstandyq Elena Rybakina pen Mihail Kýkýshkin jekelei synda jarystyń birinshi satysynan irkilmei ótti.
