جاپونييا استاناسى توكيو قالاسىندا ٶتٸپ جاتقان وليمپيادا ويىندارىندا قازاقستاندىق تەننيسشٸ ياروسلاۆا شۆەدوۆا جارىستى جالعاستىرۋدان باس تارتتى, دەپ حابارلايدى "ۇلت اقپارات".
جارىستىڭ العاشقى ساتىسىندا ول اۆسترالييالىق ايلە تومليانوۆيچپەن كەزدەسكەن بولاتىن. WTA رەيتينگٸسٸندە يا. شۆەدوۆا 454-ورىندا تۇرسا, قارسىلاسى 51-ورىنعا جايعاسقان.
قازاقستاندىق تەننيسشٸ بٸرٸنشٸ سەتتە قارسىلاسىنا 5:7 ەسەبٸمەن جەڭٸلدٸ. ەكٸنشٸ سەتتە 2:3 ەسەبٸ تٸركەلٸپ تۇرعان مەزەتتە قازاقستاندىق سپورتشى جارىستى جالعاستىرۋدان باس تارتتى.
وسىلايشا, ياروسلاۆا شۆەدوۆا توكيودا وليمپياداسىندا ماتچٸن اياقتاماعان ٷشٸنشٸ قازاقستاندىق تەننيسشٸ بولىپ وتىر. بۇعان دەيٸن زارينا ديياس پەن يۋلييا پۋتينتسەۆا دا ماتچٸن اياقتاماعان ەدٸ.
ايتا كەتەيٸك, قازاقستاندىق ەلەنا رىباكينا پەن ميحايل كۋكۋشكين جەكەلەي سىندا جارىستىڭ بٸرٸنشٸ ساتىسىنان ٸركٸلمەي ٶتتٸ.
