Tokio Olimpiadasynda taekvondoshy Rýslan Japarov shirek finalǵa shyqty, dep habarlaidy "Ult aqparat".
Qazaqstandyq sportshy 80 kelide saiysqa tústi. Oǵan Germaniiadan kelgen Aleksandr Bahmann qarsylas atandy.
Saiys barysynda Rýslan qarsylasynan 11:7 esebimen basym tústi. Ol shirek finalda Ońtústik Koreia ókili Kio Don Inmen sheberlik baiqasady.
Aita keteiik, taǵy bir qazaqstandyq taekvondoshy Jansel búgin ózbekstandyq Svetlana Osipovany jeńip, jarysty jalǵastyrýǵa múmkindik aldy.
Aitýly alamanǵa dúnie júzindegi 206 memleketten 11 myńnan astam sportshy qatysýda. Elimizdiń atynan 97 sportshy kúnshyǵys elinde sporttyń 28 túrinen baq synaidy.
Eske salsaq, Tokio Olimpiadasy 23 shildede bastaldy. Ol 8 tamyzda máresine jetedi.
