توكيو وليمپياداسىندا تاەكۆوندوشى رۋسلان جاپاروۆ شيرەك فينالعا شىقتى, دەپ حابارلايدى "ۇلت اقپارات".
قازاقستاندىق سپورتشى 80 كەلٸدە سايىسقا تٷستٸ. وعان گەرمانييادان كەلگەن الەكساندر باحمانن قارسىلاس اتاندى.
سايىس بارىسىندا رۋسلان قارسىلاسىنان 11:7 ەسەبٸمەن باسىم تٷستٸ. ول شيرەك فينالدا وڭتٷستٸك كورەيا ٶكٸلٸ كيو دون ينمەن شەبەرلٸك بايقاسادى.
ايتا كەتەيٸك, تاعى بٸر قازاقستاندىق تاەكۆوندوششى جانسەل بٷگٸن ٶزبەكستاندىق سۆەتلانا وسيپوۆانى جەڭٸپ, جارىستى جالعاستىرۋعا مٷمكٸندٸك الدى.
ايتۋلى الامانعا دٷنيە جٷزٸندەگٸ 206 مەملەكەتتەن 11 مىڭنان استام سپورتشى قاتىسۋدا. ەلٸمٸزدٸڭ اتىنان 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
ەسكە سالساق, توكيو وليمپياداسى 23 شٸلدەدە باستالدى. ول 8 تامىزدا مەرەسٸنە جەتەدٸ.
