Qazaqstandyq tennisshi Elena Rybakina Tokio Olimpiadasynyń jartylai finalynda jeńildi, - dep habarlaidy "Ult aqparat".
Rybakina jartylai finalda shveitsariialyq Belinda Benchichpen kezdesti. Birinshi sette qazaqstandyq tennisshi 5:2 esebimen jeńip jatyp, 6:7 esebimen jeńildi. Al ekinshi sette Rybakina qarsylasynan 6:4 esebimen basym tústi. Biraq qazaqstandyq tennisshi úshinshi sette qarsylasyna 3:6 esebimen jol berdi. Match 2 saǵat, 46 minýtqa sozyldy.
Endi Rybakina ýkrainalyq Elina Svitolina men chehiialyq Marketa Vondrýsova jubynyń jeńilgenimen qola medaldi sarapqa salady.
Eske salaiyq, keshe qazaqstandyq tennisshi shirek finalda álemniń eks-birinshi raketkasy ispaniialyq Garbine Mýgýrýsany jeńgen bolatyn.
Aita keteiik, qazir Qazaqstan qorjynynda úsh medal bar. Dziýdoshy Eldos Smetov, aýyratletter Igor Son men Zúlfiia Chinshanlo qola medal ielengen bolatyn.
