قازاقستاندىق تەننيسشٸ ەلەنا رىباكينا توكيو وليمپياداسىنىڭ جارتىلاي فينالىندا جەڭٸلدٸ, - دەپ حابارلايدى "ۇلت اقپارات".
رىباكينا جارتىلاي فينالدا شۆەيتسارييالىق بەليندا بەنچيچپەن كەزدەستٸ. بٸرٸنشٸ سەتتە قازاقستاندىق تەننيسشٸ 5:2 ەسەبٸمەن جەڭٸپ جاتىپ, 6:7 ەسەبٸمەن جەڭٸلدٸ. ال ەكٸنشٸ سەتتە رىباكينا قارسىلاسىنان 6:4 ەسەبٸمەن باسىم تٷستٸ. بٸراق قازاقستاندىق تەننيسشٸ ٷشٸنشٸ سەتتە قارسىلاسىنا 3:6 ەسەبٸمەن جول بەردٸ. ماتچ 2 ساعات, 46 مينۋتقا سوزىلدى.
ەندٸ رىباكينا ۋكراينالىق ەلينا سۆيتولينا مەن چەحييالىق ماركەتا ۆوندرۋسوۆا جۇبىنىڭ جەڭٸلگەنٸمەن قولا مەدالدٸ ساراپقا سالادى.
ەسكە سالايىق, كەشە قازاقستاندىق تەننيسشٸ شيرەك فينالدا ەلەمنٸڭ ەكس-بٸرٸنشٸ راكەتكاسى يسپانييالىق گاربينە مۋگۋرۋسانى جەڭگەن بولاتىن.
ايتا كەتەيٸك, قازٸر قازاقستان قورجىنىندا ٷش مەدال بار. دزيۋدوشى ەلدوس سمەتوۆ, اۋىراتلەتتەر يگور سون مەن زٷلفييا چينشانلو قولا مەدال يەلەنگەن بولاتىن.
