Tokio Olimpiadasynda taekvondoshy Rýslan Japarov shirek finalda qarsylasynan jeńilip qaldy, dep habarlaidy "Ult aqparat".
Qazaqstandyq sportshy 80 kelide saiysqa tústi. Shirek finalda ol Ońtústik Koreia ókili Kio Don Inmen sheberlik baiqasty.
Kezdesý asa tartysty ótti. Ekeýiniń de jeńiske jetýine múmkindigi boldy. Degenmen sońǵy sátterde koreilik sportshy upai qoryn molaitty. Osylaisha Rýslan Japarov qarsylasyna 2:8 esebimen ese jiberdi.
Eske salsaq, ol búgin alǵashqy kezdesýinde Germaniiadan kelgen Aleksandr Bahmannnan 11:7 esebimen basym tústi.
Rýslan Japarov 1996 jyly 27 mamyrda Taraz qalasynda dúniege kelgen. Buǵan deiin 2018 jyly Aziia chempionatynda kúmis, Aziia oiyndarynda qola medal aldy.
Sondai-aq, búgin áielder arasynda Jansel Deniz ekinshi kezdesýinde ulybritaniialyq Bianko Ýokdenge 7:17 esebimen ese jiberip qoidy. Ol alǵashqy kezdesýinde ózbekstandyq Svetlana Osipovadan 10:9 esebimen basym túsken edi.
