توكيو وليمپياداسىندا تاەكۆوندوشى رۋسلان جاپاروۆ شيرەك فينالدا قارسىلاسىنان جەڭٸلٸپ قالدى, دەپ حابارلايدى "ۇلت اقپارات".
قازاقستاندىق سپورتشى 80 كەلٸدە سايىسقا تٷستٸ. شيرەك فينالدا ول وڭتٷستٸك كورەيا ٶكٸلٸ كيو دون ينمەن شەبەرلٸك بايقاستى.
كەزدەسۋ اسا تارتىستى ٶتتٸ. ەكەۋٸنٸڭ دە جەڭٸسكە جەتۋٸنە مٷمكٸندٸگٸ بولدى. دەگەنمەن سوڭعى سەتتەردە كورەيلٸك سپورتشى ۇپاي قورىن مولايتتى. وسىلايشا رۋسلان جاپاروۆ قارسىلاسىنا 2:8 ەسەبٸمەن ەسە جٸبەردٸ.
ەسكە سالساق, ول بٷگٸن العاشقى كەزدەسۋٸندە گەرمانييادان كەلگەن الەكساندر باحمانننان 11:7 ەسەبٸمەن باسىم تٷستٸ.
رۋسلان جاپاروۆ 1996 جىلى 27 مامىردا تاراز قالاسىندا دٷنيەگە كەلگەن. بۇعان دەيٸن 2018 جىلى ازييا چەمپيوناتىندا كٷمٸس, ازييا ويىندارىندا قولا مەدال الدى.
سونداي-اق, بٷگٸن ەيەلدەر اراسىندا جانسەل دەنيز ەكٸنشٸ كەزدەسۋٸندە ۇلىبريتانييالىق بيانكو ۋوكدەنگە 7:17 ەسەبٸمەن ەسە جٸبەرٸپ قويدى. ول العاشقى كەزدەسۋٸندە ٶزبەكستاندىق سۆەتلانا وسيپوۆادان 10:9 ەسەبٸمەن باسىم تٷسكەن ەدٸ.
