Japoniia astanasy Tokio qalasynda ótip jatqan Olimpiada oiyndarynda 27 shildedegi medaldar esebi jariialandy, dep habarlaidy "Ult aqparat".
Aita keteiik, ázirge Qazaqstan quramasynyń qorjynynda úsh qola medal bar. Alǵashqysyn 24 shildede dziýdoshy Eldos Smetov iemdense, odan keiingi eki medaldy 25 jáne 26 shildede aýyr atlet Igor Son men Zýlfiia Chinshanlo aldy.
Osylaisha úsh qola medal alǵan el quramasy jalpy komandalyq esepte 47-orynǵa taban tiredi. Ýkraina quramasynyń da qorjynynda úsh qola bar.
Qazirge deiin 56 memleketten kelgen sportshylar medal alyp úlgerdi.
Medal alý jóninen Japoniia kósh basyna shyqty. Onyń enshisinde 10 altyn, 3 kúmis, 5 qola medal bar.
Ekinshi oryndaǵy AQSh-qa ázirge 9 altyn, 8 kúmis, 8 qola buiyrdy.
Ala Qytai 9 altyn, 5 kúmis, 7 qolamen úshinshi orynda tur.
Tokio Olimpiadasynda medal alǵan el quramalarynyń 27 shildedegi alǵashqy ondyqtaǵy kestesi tómendegishe:
1. Japoniia - 10-3-5
2. AQSh - 9-8-8
3. Qytai - 9-5-7
4. Resei - 7-7-4
5. Ulybritaniia - 4-5-4
6. Ońtústik Koreia - 3-2-5
7. Avstraliia- 3-1-5
8. Kanada - 2-3-3
9. Frantsiia - 2-2-3
10. Germaniia - 2-0-3
Biyl dúbirli dodada 33 sport túrinen 339 medal jiyntyǵy sarapqa salynady. Aitýly alamanǵa jer betindegi 206 memleketten 11 myńnan astam sportshy qatysýda.
Buǵan deiin Qazaqstan quramasy alty Jazǵy Olimpiadada baq synady. Jalpy alǵanda 21 altyn, 28 kúmis, 64 qola medal aldy.
