جاپونييا استاناسى توكيو قالاسىندا ٶتٸپ جاتقان وليمپيادا ويىندارىندا 27 شٸلدەدەگٸ مەدالدار ەسەبٸ جارييالاندى, دەپ حابارلايدى "ۇلت اقپارات".
ايتا كەتەيٸك, ەزٸرگە قازاقستان قۇراماسىنىڭ قورجىنىندا ٷش قولا مەدال بار. العاشقىسىن 24 شٸلدەدە دزيۋدوشى ەلدوس سمەتوۆ يەمدەنسە, ودان كەيٸنگٸ ەكٸ مەدالدى 25 جەنە 26 شٸلدەدە اۋىر اتلەت يگور سون مەن زۋلفييا چينشانلو الدى.
وسىلايشا ٷش قولا مەدال العان ەل قۇراماسى جالپى كوماندالىق ەسەپتە 47-ورىنعا تابان تٸرەدٸ. ۋكراينا قۇراماسىنىڭ دا قورجىنىندا ٷش قولا بار.
قازٸرگە دەيٸن 56 مەملەكەتتەن كەلگەن سپورتشىلار مەدال الىپ ٷلگەردٸ.
مەدال الۋ جٶنٸنەن جاپونييا كٶش باسىنا شىقتى. ونىڭ ەنشٸسٸندە 10 التىن, 3 كٷمٸس, 5 قولا مەدال بار.
ەكٸنشٸ ورىنداعى اقش-قا ەزٸرگە 9 التىن, 8 كٷمٸس, 8 قولا بۇيىردى.
الا قىتاي 9 التىن, 5 كٷمٸس, 7 قولامەن ٷشٸنشٸ ورىندا تۇر.
توكيو وليمپياداسىندا مەدال العان ەل قۇرامالارىنىڭ 27 شٸلدەدەگٸ العاشقى وندىقتاعى كەستەسٸ تٶمەندەگٸشە:
1. جاپونييا - 10-3-5
2. اقش - 9-8-8
3. قىتاي - 9-5-7
4. رەسەي - 7-7-4
5. ۇلىبريتانييا - 4-5-4
6. وڭتٷستٸك كورەيا - 3-2-5
7. اۆسترالييا- 3-1-5
8. كانادا - 2-3-3
9. فرانتسييا - 2-2-3
10. گەرمانييا - 2-0-3
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا.
بۇعان دەيٸن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن, 28 كٷمٸس, 64 قولا مەدال الدى.
