Japoniia astanasy Tokio qalasynda ótip jatqan Olimpiada oiyndaryndaǵy alǵashqy kúngi medaldar esebi jariialandy, dep habarlaidy "Ult aqparat".
Aita keteiik, búgin dziýdoshy Eldos Smetov 60 kelide el qorjynyna qola medal saldy. Osylaisha Qazaqstan quramasy Olimpiadanyń birinshi kúninde medal alǵan memleketter qataryna endi.
Nátijesinde Qazaqstan quramasy Estoniia, Frantsiia, Indoneziia, Izrail, Meksika, Mońǵoliia, Sloveniia, Shveitsariia jáne Ýkraina sekildi bir qolamen 19-oryndy ózara bólisip tur.
Kósh basynda 3 altyn, 1 qola júldemen Qytai keledi. Odan keiingi oryndarda Italiia men Japoniia tur.
Tokio Olimpiadasynyń 24 shildede medal alǵan el quramalarynyń alǵashqy ondyqtaǵy kestesi tómendegishe:
1. Qytai - 3-0-1
2. Italiia - 1-1-0
2. Japoniia - 1-1-0
4. Ońtústik Koreia - 1-0-2
5. Ekvador - 1-0-0
5. Vengriia - 1-0-0
5. Iran - 1-0-0
5. Kosovo - 1-0-0
5. Tailand - 1-0-0
Biyl dúbirli dodada 33 sport túrinen 339 medal jiyntyǵy sarapqa salynady. Aitýly alamanǵa jer betindegi 206 memleketten 11 myńnan astam sportshy qatysýda. Qazaqstandyq 97 sportshy kúnshyǵys elinde sporttyń 28 túrinen baq synaidy.
Eske salsaq, Tokio Olimpiadasy 23 shildede bastaldy. Ol 8 tamyzda máresine jetedi.
Buǵan deiin Qazaqstan quramasy alty Jazǵy Olimpiadada baq synady. Jalpy alǵanda 21 altyn, 28 kúmis, 64 qola medal aldy.
