جاپونييا استاناسى توكيو قالاسىندا ٶتٸپ جاتقان وليمپيادا ويىندارىنداعى العاشقى كٷنگٸ مەدالدار ەسەبٸ جارييالاندى, دەپ حابارلايدى "ۇلت اقپارات".
ايتا كەتەيٸك, بٷگٸن دزيۋدوشى ەلدوس سمەتوۆ 60 كەلٸدە ەل قورجىنىنا قولا مەدال سالدى. وسىلايشا قازاقستان قۇراماسى وليمپيادانىڭ بٸرٸنشٸ كٷنٸندە مەدال العان مەملەكەتتەر قاتارىنا ەندٸ.
نەتيجەسٸندە قازاقستان قۇراماسى ەستونييا, فرانتسييا, يندونەزييا, يزرايل, مەكسيكا, موڭعولييا, سلوۆەنييا, شۆەيتسارييا جەنە ۋكراينا سەكٸلدٸ بٸر قولامەن 19-ورىندى ٶزارا بٶلٸسٸپ تۇر.
كٶش باسىندا 3 التىن, 1 قولا جٷلدەمەن قىتاي كەلەدٸ. ودان كەيٸنگٸ ورىنداردا يتالييا مەن جاپونييا تۇر.
توكيو وليمپياداسىنىڭ 24 شٸلدەدە مەدال العان ەل قۇرامالارىنىڭ العاشقى وندىقتاعى كەستەسٸ تٶمەندەگٸشە:
1. قىتاي - 3-0-1
2. يتالييا - 1-1-0
2. جاپونييا - 1-1-0
4. وڭتٷستٸك كورەيا - 1-0-2
5. ەكۆادور - 1-0-0
5. ۆەنگرييا - 1-0-0
5. يران - 1-0-0
5. كوسوۆو - 1-0-0
5. تايلاند - 1-0-0
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
ەسكە سالساق, توكيو وليمپياداسى 23 شٸلدەدە باستالدى. ول 8 تامىزدا مەرەسٸنە جەتەدٸ.
بۇعان دەيٸن قازاقستان قۇراماسى التى جازعى وليمپيادادا باق سىنادى. جالپى العاندا 21 التىن, 28 كٷمٸس, 64 قولا مەدال الدى.
