Sporttyq gimnastikadan Qazaqstan komandasynyń úzdigi Milad Karimi Tokio Olimpiadasyndaǵy kópsaiys finalynda baq synady, dep habarlaidy "Ult aqparat" Ulttyq olimpiada komitetiniń resmi saityna silteme jasap.
Karimi irikteý qorytyndysy boiynshy úsh finaldyq synǵa joldama aldy. Atap aitar bolsaq, qazaqstandyq gimnast kópsaiys, erkin jattyǵý jáne giimnastikalyq kermedegi jattyǵýdan aqtyq synǵa ótken bolatyn.
Milad kópsaiystaǵy alǵashqy jattyǵýdy shyǵyrshyqta oryndap, 12.866 upai jinady. Keiin qol tirep sekirýden 14.066, qossyryqtaǵy jattyǵýdan 13.966 upai enshiledi.
Gimnastikalyq kermedegi jattyǵýdan 13.333 upai enshilese, erkin jattyǵýdan 15.055 upaiǵa qol jetkizdi. Bul osy jattyǵý boiynsha barlyq finalister arasyndaǵy joǵary nátije ekenin aita ketken jón.
Milad gimnastikalyq at snariadyndaǵy jattyǵýy úshin 13.266 upai, jalpy esebi 82.530 upai jinap, qorytyndy esepte 14-shi oryn aldy.
Kópsaiystaǵy altyn júldeni japoniialyq Daiki Hashimito (88.465) enshiledi. Kúmis medal qytailyq Rýoten Siaonyń (88.065), qola medal reseilik Nikita Nagornyidyń (88.031) enshisinde.
Aita ketelik, erkin jattyǵý boiynsha finaldyq kezeń 1 tamyzda, gimnastikalyq kermedegi jattyǵý boiynsha aqtyq syn 3 tamyzda ótedi.
