سپورتتىق گيمناستيكادان قازاقستان كومانداسىنىڭ ٷزدٸگٸ ميلاد كاريمي توكيو وليمپياداسىنداعى كٶپسايىس فينالىندا باق سىنادى, دەپ حابارلايدى "ۇلت اقپارات" ۇلتتىق وليمپيادا كوميتەتٸنٸڭ رەسمي سايتىنا سٸلتەمە جاساپ.
كاريمي ٸرٸكتەۋ قورىتىندىسى بويىنشى ٷش فينالدىق سىنعا جولداما الدى. اتاپ ايتار بولساق, قازاقستاندىق گيمناست كٶپسايىس, ەركٸن جاتتىعۋ جەنە گييمناستيكالىق كەرمەدەگٸ جاتتىعۋدان اقتىق سىنعا ٶتكەن بولاتىن.
ميلاد كٶپسايىستاعى العاشقى جاتتىعۋدى شىعىرشىقتا ورىنداپ, 12.866 ۇپاي جينادى. كەيٸن قول تٸرەپ سەكٸرۋدەن 14.066, قوسسىرىقتاعى جاتتىعۋدان 13.966 ۇپاي ەنشٸلەدٸ.
گيمناستيكالىق كەرمەدەگٸ جاتتىعۋدان 13.333 ۇپاي ەنشٸلەسە, ەركٸن جاتتىعۋدان 15.055 ۇپايعا قول جەتكٸزدٸ. بۇل وسى جاتتىعۋ بويىنشا بارلىق فيناليستەر اراسىنداعى جوعارى نەتيجە ەكەنٸن ايتا كەتكەن جٶن.
ميلاد گيمناستيكالىق ات سناريادىنداعى جاتتىعۋى ٷشٸن 13.266 ۇپاي, جالپى ەسەبٸ 82.530 ۇپاي جيناپ, قورىتىندى ەسەپتە 14-شٸ ورىن الدى.
كٶپسايىستاعى التىن جٷلدەنٸ جاپونييالىق دايكي حاشيميتو (88.465) ەنشٸلەدٸ. كٷمٸس مەدال قىتايلىق رۋوتەن سياونىڭ (88.065), قولا مەدال رەسەيلٸك نيكيتا ناگورنىيدىڭ (88.031) ەنشٸسٸندە.
ايتا كەتەلٸك, ەركٸن جاتتىعۋ بويىنشا فينالدىق كەزەڭ 1 تامىزدا, گيمناستيكالىق كەرمەدەگٸ جاتتىعۋ بويىنشا اقتىق سىن 3 تامىزدا ٶتەدٸ.
