Tokio Olimpiadasynda sadaq atýdan qazaqstandyq sportshy Denis Gankin ekinshi kezdesýinde jeńilip qaldy, dep jazady "Ult aqparat".
Alǵashqy kezdesýinde ol egipettik Iýsýf Tolbadan 6:4 esebimen basym túsken edi. Al, ekinshi kezdesýinde italiialyq Maýro Nespolige ese jiberdi. Esep 2:6.
Qazaqstandyq sportshy osylaisha Olimpiadany erte aiaqtaýǵa májbúr boldy. Endi Qazaqstan sapynan Ilfat Abdýllin men Sanjar Musaev synǵa túsedi.
Al komandalyq básekede Qazaqstan Úndistanmen kúsh synasady.
Biyl dúbirli dodada 33 sport túrinen 339 medal jiyntyǵy sarapqa salynady. Aitýly alamanǵa jer betindegi 206 memleketten 11 myńnan astam sportshy qatysýda. Qazaqstandyq 97 sportshy kúnshyǵys elinde sporttyń 28 túrinen baq synaidy.
Aita keteiik, qazir Qazaqstan quramasynyń qorjynynda úsh qola medal bar.
Alǵashqysyn 24 shildede dziýdoshy Eldos Smetov iemdense, ekinshisine 25 shildede aýyr atlet Igor Son qol jetkizdi.
Taǵy bir aýyr atletimiz Zýlfiia Chinshanlo 26 shildede taǵy bir qolamen júlde qoryn tolyqtyrdy.
