توكيو وليمپياداسىندا ساداق اتۋدان قازاقستاندىق سپورتشى دەنيس گانكين ەكٸنشٸ كەزدەسۋٸندە جەڭٸلٸپ قالدى, دەپ جازادى "ۇلت اقپارات".
العاشقى كەزدەسۋٸندە ول ەگيپەتتٸك يۋسۋف تولبادان 6:4 ەسەبٸمەن باسىم تٷسكەن ەدٸ. ال, ەكٸنشٸ كەزدەسۋٸندە يتالييالىق ماۋرو نەسپوليگە ەسە جٸبەردٸ. ەسەپ 2:6.
قازاقستاندىق سپورتشى وسىلايشا وليمپيادانى ەرتە اياقتاۋعا مەجبٷر بولدى. ەندٸ قازاقستان ساپىنان يلفات ابدۋللين مەن سانجار مۇساەۆ سىنعا تٷسەدٸ.
ال كوماندالىق بەسەكەدە قازاقستان ٷندٸستانمەن كٷش سىناسادى.
بيىل دٷبٸرلٸ دودادا 33 سپورت تٷرٸنەن 339 مەدال جيىنتىعى ساراپقا سالىنادى. ايتۋلى الامانعا جەر بەتٸندەگٸ 206 مەملەكەتتەن 11 مىڭنان استام سپورتشى قاتىسۋدا. قازاقستاندىق 97 سپورتشى كٷنشىعىس ەلٸندە سپورتتىڭ 28 تٷرٸنەن باق سىنايدى.
ايتا كەتەيٸك, قازٸر قازاقستان قۇراماسىنىڭ قورجىنىندا ٷش قولا مەدال بار.
العاشقىسىن 24 شٸلدەدە دزيۋدوشى ەلدوس سمەتوۆ يەمدەنسە, ەكٸنشٸسٸنە 25 شٸلدەدە اۋىر اتلەت يگور سون قول جەتكٸزدٸ.
تاعى بٸر اۋىر اتلەتٸمٸز زۋلفييا چينشانلو 26 شٸلدەدە تاعى بٸر قولامەن جٷلدە قورىن تولىقتىردى.
