Tokio Olimpiadasynyń alǵashqy jarys kúninde sadaq atýdan irikteý kezeńi aiaqtaldy. Erler arasyndaǵy synda Qazaqstan komandasy óner kórsetip, Denis Gankin alǵashqy ondyqqa endi, dep habarlaidy Olympic.kz.
Denis Gankin 669 upai jinap, 64 sportshynyń ishinen 9-shy oryn ielendi. Ilfat Abdýllin 27-shi, Sanjar Musaev 52-shi satyda.
Irikteý kezeńiniń qorytyndysy boiynsha Ońtústik Koreia ókili Kim Dje Dok kósh bastady. Ekinshi orynda amerikalyq Bredi Elison, úshinshi satyda koreialyq On Djin Hek ornalasqan.
«Búgingi nátijem kóńilimnen shyǵady. Tek jarys sońyna qarai jeldiń kúsheigeni azdaǵan kedergi keltirdi. Áitpese, qalǵanynyń bári oidaǵydai. Bapkerlerim tehnikalyq turǵydan qatelespeýdi tapsyrǵan bolatyn. Eldegi tynymsyz daiyndyqtyń kómegi kóp boldy. Jalpy alǵanda, bizdiń komanda úshin búgingi kórsetkish jaman emes. Sanjar men Ilfat ta jaqsy óner kórsetti. Olarǵa da jel kedergi keltirse kerek. Óitkeni, jeldiń baǵyty túsiniksiz. Endi 26 shilde kúni komandalyq jarysty bastap, medalǵa talasamyz», - dedi Denis Olympic.kz tilshisine bergen suhbatynda.
Aita ketelik, irikteý kezeńiniń qorytyndysy boiynsha kelesi ainalymdaǵy sparringtik juptar anyqtalady. Qazaqstandyq Ilfat Abdýllin Ulybritaniia ókili Djeims Výdgeitke qarsy shyǵady. Denis Gankin Egipet namysyn qorǵaityn Iýsýf Tolbamen ózara myqtyny anyqtaidy. Sanjar Musaev qytailyq Dapeng Vangpen 1/16 final joldamasyna talasady.
Komandalyq synda Qazaqstan Úndistan quramasymen kezdesedi.
