توكيو وليمپياداسىنىڭ العاشقى جارىس كٷنٸندە ساداق اتۋدان ٸرٸكتەۋ كەزەڭٸ اياقتالدى. ەرلەر اراسىنداعى سىندا قازاقستان كومانداسى ٶنەر كٶرسەتٸپ, دەنيس گانكين العاشقى وندىققا ەندٸ, دەپ حابارلايدى Olympic.kz.
دەنيس گانكين 669 ۇپاي جيناپ, 64 سپورتشىنىڭ ٸشٸنەن 9-شى ورىن يەلەندٸ. يلفات ابدۋللين 27-شٸ, سانجار مۇساەۆ 52-شٸ ساتىدا.
ٸرٸكتەۋ كەزەڭٸنٸڭ قورىتىندىسى بويىنشا وڭتٷستٸك كورەيا ٶكٸلٸ كيم دجە دوك كٶش باستادى. ەكٸنشٸ ورىندا امەريكالىق برەدي ەليسون, ٷشٸنشٸ ساتىدا كورەيالىق ون دجين حەك ورنالاسقان.
«بٷگٸنگٸ نەتيجەم كٶڭٸلٸمنەن شىعادى. تەك جارىس سوڭىنا قاراي جەلدٸڭ كٷشەيگەنٸ ازداعان كەدەرگٸ كەلتٸردٸ. ەيتپەسە, قالعانىنىڭ بەرٸ ويداعىداي. باپكەرلەرٸم تەحنيكالىق تۇرعىدان قاتەلەسپەۋدٸ تاپسىرعان بولاتىن. ەلدەگٸ تىنىمسىز دايىندىقتىڭ كٶمەگٸ كٶپ بولدى. جالپى العاندا, بٸزدٸڭ كوماندا ٷشٸن بٷگٸنگٸ كٶرسەتكٸش جامان ەمەس. سانجار مەن يلفات تا جاقسى ٶنەر كٶرسەتتٸ. ولارعا دا جەل كەدەرگٸ كەلتٸرسە كەرەك. ٶيتكەنٸ, جەلدٸڭ باعىتى تٷسٸنٸكسٸز. ەندٸ 26 شٸلدە كٷنٸ كوماندالىق جارىستى باستاپ, مەدالعا تالاسامىز», - دەدٸ دەنيس Olympic.kz تٸلشٸسٸنە بەرگەن سۇحباتىندا.
ايتا كەتەلٸك, ٸرٸكتەۋ كەزەڭٸنٸڭ قورىتىندىسى بويىنشا كەلەسٸ اينالىمداعى سپاررينگتٸك جۇپتار انىقتالادى. قازاقستاندىق يلفات ابدۋللين ۇلىبريتانييا ٶكٸلٸ دجەيمس ۆۋدگەيتكە قارسى شىعادى. دەنيس گانكين ەگيپەت نامىسىن قورعايتىن يۋسۋف تولبامەن ٶزارا مىقتىنى انىقتايدى. سانجار مۇساەۆ قىتايلىق داپەنگ ۆانگپەن 1/16 فينال جولداماسىنا تالاسادى.
كوماندالىق سىندا قازاقستان ٷندٸستان قۇراماسىمەن كەزدەسەدٸ.
