Japoniia astanasy Tokio qalasynda ótip jatqan Olimpiada oiyndarynda qazaqstandyq boksshy Sáken Bibosynovtyń qarsylasy anyqtaldy, dep habarlaidy "Ult aqparat".
Qazaqstandyq sportshy 52 kelidegi alǵashqy jekpe-jeginde Pýerto-Riko elinen kelgen Iankel Rivera Figeroany tize búktirdi.
Ol endi 1/8 finalda frantsiialyq Bilal Bennammen qolǵap túiistiredi.
Bilal Bennam - tájiribeli boksshynyń biri. Ol 2019 jyly Reseidiń Ekaterinbýrg qalasynda ótken álem chempionatynda qola júldeger atandy.
Atalǵan jarysta olar 49 keli salmaqta judyryqtasqan edi.
2020 jylǵy Olimpiadada Qazaqstan atynan toǵyz boksshy baq synaýda. Onyń 8-i - erler, bireýi - áielder básekesinde sharshy alańǵa shyǵady.
Aita keteiik, buǵan deiin Sáken Bibosynovtan ózge Serik Temirjanov (57 keli) pen Zakir Safiýllin (65 keli) alǵashqy kezdesýin sátti ótkizip, jarystyń kelesi satysyna shyqqan bolatyn.
Al 27 shildede Abylaihan Júsipov (69 keli) pen Vasilii Levit (91 keli) alǵashqy jekpe-jegin ótkizedi.
