جاپونييا استاناسى توكيو قالاسىندا ٶتٸپ جاتقان وليمپيادا ويىندارىندا قازاقستاندىق بوكسشى سەكەن بيبوسىنوۆتىڭ قارسىلاسى انىقتالدى, دەپ حابارلايدى "ۇلت اقپارات".
قازاقستاندىق سپورتشى 52 كەلٸدەگٸ العاشقى جەكپە-جەگٸندە پۋەرتو-ريكو ەلٸنەن كەلگەن يانكەل ريۆەرا فيگەروانى تٸزە بٷكتٸردٸ.
ول ەندٸ 1/8 فينالدا فرانتسييالىق بيلال بەنناممەن قولعاپ تٷيٸستٸرەدٸ.
بيلال بەننام - تەجٸريبەلٸ بوكسشىنىڭ بٸرٸ. ول 2019 جىلى رەسەيدٸڭ ەكاتەرينبۋرگ قالاسىندا ٶتكەن ەلەم چەمپيوناتىندا قولا جٷلدەگەر اتاندى.
اتالعان جارىستا ولار 49 كەلٸ سالماقتا جۇدىرىقتاسقان ەدٸ.
2020 جىلعى وليمپيادادا قازاقستان اتىنان توعىز بوكسشى باق سىناۋدا. ونىڭ 8-ٸ - ەرلەر, بٸرەۋٸ - ەيەلدەر بەسەكەسٸندە شارشى الاڭعا شىعادى.
ايتا كەتەيٸك, بۇعان دەيٸن سەكەن بيبوسىنوۆتان ٶزگە سەرٸك تەمٸرجانوۆ (57 كەلٸ) پەن زاكير سافيۋللين (65 كەلٸ) العاشقى كەزدەسۋٸن سەتتٸ ٶتكٸزٸپ, جارىستىڭ كەلەسٸ ساتىسىنا شىققان بولاتىن.
ال 27 شٸلدەدە ابىلايحان جٷسٸپوۆ (69 كەلٸ) پەن ۆاسيليي لەۆيت (91 كەلٸ) العاشقى جەكپە-جەگٸن ٶتكٸزەدٸ.
