Berik Qamaliev QR Indýstriia jáne infraqurylymdyq damý vitse-ministri qyzmetinen bosatyldy, dep habarlaidy "Ult aqparat".
«Memleket basshysynyń Batys Qazaqstan oblysyndaǵy avtomobil joldaryn jóndeýge qatysty tapsyrmalary ýaqytynda oryndalmaǵany úshin QR Úkimetiniń Qaýlysymen Indýstriia jáne infraqurylymdyq damý vitse-ministri Berik Qamaliev qyzmetinen bosatyldy», - delingen Premer-Ministrdiń baspasóz qyzmetiniń málimetinde.
Aita keteiik, jaqynda Prezident Qasym-Jomart Toqaev Egemen Qazaqstan gazetinde jariialanǵan "Kúre joldaǵy kúrsinis" atty maqalaǵa nazar aýdaryp, Batys Qazaqstan oblysyndaǵy joldar problemasyn tez arada sheshýdi tapsyrǵan bolatyn.
Prezident Qaztalov, Jánibek jáne Bókei ordasy aýdandaryndaǵy joldardy jóndeý jumystaryn 2021 jyldyń sońyna deiin aiaqtaýǵa tapsyrma bergenin jáne bul másele óziniń jeke baqylaýynda bolatynyn eske saldy.
Ertesinde úkimet basshysy Álihan Smaiylov jumys saparymen Batys Qazaqstan oblysyna bardy.
