© Sputnik
"ArselorMittal Temirtaý" kompaniiasyna qaraityn barlyq shahtada táýelsiz aýdit júrgiziledi. Mundai shara Lenin atyndaǵy shahtada bes kenshiniń ómirin qiǵan apattan keiin qolǵa alynyp jatyr, dep habarlaidy Sputnik Qazaqstan.
"ArselorMittal TMD" atqarýshy vitse-prezidenti Vidjai Goial Qaraǵandyda ótken baspasóz máslihatynda aýditor-kompaniiany Qazaqstan Úkimeti tańdaitynyn málimdedi.
"Úshinshi pýnkt syrttai baǵalaýǵa qatysty. Kúni keshe bul jaily Prezident Toqaev aitty, biz bul baǵytta jumys isteimiz. Syrttan táýelsiz sarapshylar tartylady. Olar shahtadaǵy protsedýralardy, qaýipsizdik maqsatynda qalai paidalanýǵa bolatynyn qaita qaraidy", - dedi ol.
"ArselorMittal TMD" atqarýshy vitse-prezidenti qaza bolǵan jáne zardap shekken kenshilerdiń otbasylarynan keshirim surap, shahtalarda qaýipsizdikti jaqsartýǵa ýáde berdi.
"Qyzmetkerler, áriptester men jurtshylyq aldynda keshirim suraimyn. Qazirgi jaǵdaiǵa múlde kónýge bolmaidy. Biz úshin mańyzdy basymdyq – marqumdardyń otbasylary men jaraqat alǵandarǵa qamqorlyq kórsetý. Meniń mindetim – jaǵdaiǵa jan-jaqty, tereńirek úńilý. Bizdiń qaýipsizdikti jaqsartý jóninde asa mańyzdy josparymyz bar", - dedi vitse-prezident.
Ol Lenin atyndaǵy shahtada barlyq jumys ýaqytsha toqtatylǵanyn naqtylady. Tek nysannyń jumysyn qamtamasyz etýge qajetti asa mańyzdy ýchaskeler ǵana istep tur. Vidjai Goial shahtalarda júrgiziletin jumystar men olarmen bailanysty táýekelderdi qaita qaraýǵa ýáde etti.
