Prezidentikke úmitker Qasym-Jomart Toqaev shtabynyń ókilderi Shymkentte birqatar nysanda kezdesý ótkizdi, dep habarlaidy "Ult aqparat" shtabtyń baspasóz qyzmetine silteme jasap.
Shtab músheleri aldymen qalalyq №3 emhana qyzmetkerlerimen kezdesti. Úgit-nasihat toby Elbasy Nursultan Nazarbaevtyń el basqarýdaǵy kóregendigi, ishki turaqtylyqty saqtai alǵan parasaty jaily aitty. Buǵan deiin Shymkent qalasynyń turǵyndaryna qyzmet kórsetetin emhanalar sany tym az edi. Qazir emhana, aýrýhana, qan ortalyǵy, jańa perzenthana men balalar aýrýhanasynyń sany kóbeiip, eski ǵimarattardyń qatary azaiǵan.
Sonymen qatar, respýblikalyq qoǵamdyq shtabtyń múshesi Darhan Myńbai men kandidattyń senimdi ókili Erǵali Bólegenov jergilikti shaǵyn jáne orta biznes ókilderimen kezdesti. Olardyń aitýynsha, táýelsizdik jyldarynda Qazaqstanda 1250 iri kásiporyn ashyldy. Onda 500-ge tarta jańa ónim óndiriledi. Sonyń nátijesinde Qazaqstanda jasalǵan taýarlar álemniń 110 eline eksporttalyp jatyr.
Jiynda Darhan Myńbai jinalǵan kópshilikke Qasym-Jomart Toqaevtyń sailaýaldy baǵdarlamasy týraly áńgimeledi. Al, Erǵali Bólegenov Qasym-Jomart Toqaevtyń ishki saiasatty damytýǵa qosqan eńbegin atap ótti. Shymkent mehanikalyq zaýytynyń direktory Meiirbek Kóshenov jerlesterin 9 maýsym kúni sailaýǵa bir kisidei atsalysýǵa shaqyrdy.
Sondai-aq, Shymkent qalalyq qoǵamdyq shtabynyń músheleri «Qazyǵurt» yqshamaýdany turǵyndarymen kezdesti. Jinalǵan qaýymǵa olar «Nur Otan» partiiasy kandidatynyń sailaýaldy baǵdarlamasynyń negizgi baǵyttaryn tanystyrdy. «Nur Otan» partiiasynyń Shymkent qalalyq filialy tóraǵasynyń orynbasary Baýyrjan Qýanyshbekov Qasym-Jomart Toqaevtyń ómirbaianyna, onyń ishki jáne syrtqy saiasattyń damýyna qosqan úlesine toqtalyp ótti.
Aita keteiik, aldaǵy 9 maýsym kúni ótetin prezident sailaýyna 7 kandidat qatysyp jatyr.
