Foto: Akorda.kz
Aqordanyń baspasóz qyzmeti Prezident Qasym-Jomart Toqaevtyń mamyrdyń birinshi aptasyna arnalǵan josparyn jariialady, - dep habarlaidy "Ult aqparat".
2 mamyrda Memleket basshysy Frantsiiada Syrtqy saýda, ekonomikalyq tartymdylyq jáne sheteldegi frantsýz azamattarynyń isteri jónindegi ministrdiń delegaty, Qazaqstan-Frantsiia úkimetaralyq komissiiasynyń teń tóraǵasy Olive Beshtti qabyldaidy.
Kezdesý barysynda Qasym-Jomart Toqaevtyń ótken jyldyń qarashasynda Frantsiiaǵa resmi sapary barysynda qol jetkizilgen ýaǵdalastyqtardy júzege asyrý barysy talqylanady dep josparlanyp otyr.
3 mamyrda Memleket basshysy FIFA prezidenti Djanni Infantinony qabyldaidy.
3-4 mamyrda Qasym-Jomart Toqaevtyń shaqyrýymen Tájikstan prezidenti Emomali Rahmon Astanaǵa memlekettik saparmen keledi.
Memleket basshylary shaǵyn jáne keńeitilgen quramdaǵy kelissózder aiasynda Qazaqstan-Tájikstan strategiialyq áriptestigin odan ári nyǵaitý perspektivalaryn qarastyrady.
5 mamyrda Memleket basshysy - Joǵarǵy Bas Qolbasshy Qasym-Jomart Toqaevtyń qatysýymen Búkilarmiialyq konferentsiia ótedi, onyń barysynda áskeri damý men áskeri daiyndyq, sondai-aq Qazaqstan armiiasyn tehnologiialyq jańǵyrtý máseleleri talqylanady.
