Jiyrma jastaǵy Imanbek Zeikenov prezident Qasym-Jomart Toqaev aldynda óner kórsetken sát týraly aitty.
ORDA portalynyń jýrnalisine suqbat bergen didjei ótken jyly jeltoqsan aiynda astanada jastar jylynyń jabylýyna qatysqanyn eske aldy, dep habarlaidy Sputnik.
"Men prezident aldynda óner kórsettim, qatty uialdym. Men sahnaǵa shyǵyp, pýltte áýen oinap turǵandai keiip tanyttym. Al, shyn máninde, men esh nárse istegen joqpyn. Maǵan uiymdastyrýshylar bir minýttai solai turý kerek ekenin aitty. Zal, prezident, bári maǵan qarap turdy. Men bolsam, mýzyka oinap turǵandai boldym. Keiin Introvert sahnaǵa shyǵyp, meni qutqardy desem bolady. Bári sol kisige qarady. Osy jaǵdai úshin qatty uialamyn", - dedi Grammy mýzykalyq premiiasynyń úmitkeri.
Imanbek didjei pýltinde oinai almaǵandyqtan, sahnaǵa shyqpaitynyn aitty. Onyń ornyna DJ Project óner kórsetedi. Qazir jas mýzykant osy salany meńgerýde. Aldaǵy ýaqytta ózi sahnaǵa shyǵýdy josparlap otyr.
Imanbek Rita Ora jáne David Guetta, sondai-aq qazaqstandyq oryndaýshy The Limba-men birge trek jazbaq.
