Memleket basshysy Qasym-Jomart Toqaevtyń atyna Túrkiia Respýblikasynyń Prezidenti Rejep Erdoǵannyń quttyqtaý jedelhaty kelip tústi, dep habarlaidy "Ult aqparat" Aqordaǵa silteme jasap.
Túrkiia Respýblikasynyń Prezidenti Rejep Taiyp Erdoǵan óziniń jáne túrik halqynyń atynan Qasym-Jomart Toqaevty Qazaqstan Respýblikasynyń Prezidenti sailaýyndaǵy jeńisine orai quttyqtaý jedelhatyn joldady.
Saiasi turaqtylyq sabaqtastyǵynyń mańyzdy kórsetkishi retinde osy sailaýdyń tabysty aiaqtalǵanyna qýanyshty ekenin aitqan Túrkiia Prezidenti Qazaqstannyń aldaǵy damýyna senim bildirdi.
«Qazaqstannyń tynyshtyq pen turaqtylyq jolyndaǵy qadamdaryn odan ári jalǵastyra túsetinine jáne halyqaralyq beibitshilik pen qaýipsizdikti qamtamasyz etýge úles qosa beretinine kúmánim joq. Halyqtarymyz arasyndaǵy tarihi jáne ejelgi dostyqqa negizdelgen Túrkiia-Qazaqstan qarym-qatynastary Tuńǵysh Prezident Nursultan Nazarbaev myrzamen bizdiń birlesken kúsh-jigerimizdiń arqasynda joǵary deńgeige jetti. Osy oraida, elderimiz arasyndaǵy qarym-qatynastardy barlyq salada odan ári damytý úshin jumys isteýge daiyn ekenimdi atap ótkim keledi», - delingen jedelhatta.
Túrkiia Prezidenti Memleket basshysyna densaýlyq, baqyt tiledi.
