Ortalyq sailaý komissiiasy tóraǵasynyń orynbasary Konstantin Petrov prezident sailaýynyń aldyn ala qorytyndysy boiynsha jeńiske jetken Qasym-Jomart Toqaevqa daýys bergen adamdardyń sanyn óńirlerge bólip kórsetti, dep habarlaidy Sputnik agenttigi.
OSK málimetinshe, Toqaevqa eń kóp daýysty Almaty oblysynyń turǵyndary bergen. Qazirgi memleket basshysy munda 949 042 sailaýshynyń senimine ie bolyp, 75,89 % daýys alǵan. Al eń az daýysty Mańǵystaý oblysynyń turǵyndary beripti. Onyń kandidatýrasyn óńirdegi 147 495 sailaýshy (55,52 %) tańdaǵan.
Sonymen, Qasym-Jomart Toqaevqa óńirlerde qansha adam daýys berdi:
- Aqmola oblysy – 314 859 daýys 73,16%;
- Aqtóbe oblysy – 340 979 daýys nemese 70,62 %;
- Almaty oblysy – 949 042 daýys nemese 75,89 %;
- Atyraý oblysy – 199 718 daýys nemese 69,24 %;
- Shyǵys Qazaqstan oblysy – 580 457 daýys nemese 70,89 %;
- Jambyl oblysy – 401 133 daýys nemese 69,73%;
- Batys Qazaqstan oblysy – 213 603 daýys nemese 73,69 %;
- Qaraǵandy oblysy – 501 947 daýys nemese 70,12 %;
- Qostanai oblysy – 357 633 daýys nemese 73,17 %;
- Qyzylorda oblysy – 299 192 daýys nemese 75,35%;
- Mańǵystaý oblysy – 147 495 daýys nemese 55,52 %;
- Pavlodar oblysy – 327 277 daýys nemese 73,39 %;
- Soltústik Qazaqstan oblysy – 232 284 daýys nemese 72,75 %;
- Túrkistan oblysy – 720 855 daýys nemese 72,21 %;
- Nur-Sultan qalasy – 268 019 daýys nemese 59,19 %;
- Almaty qalasy – 392 167daýys nemese 66,73 %;
- Shymkent qalasy – 257 394 daýys nemese 67,11 %.
Qazaqstanda prezident sailaýy qalai ótti
Qazaqstanda 9 maýsymda kezekten tys prezident sailaýy ótti. Bul joly el basqarýǵa úmitti jeti kandidat baq synasty.
Respýblika boiynsha 9 970 sailaý ýchaskesi jumys istedi. Al sheteldegi qazaqstandyqtar úshin 51 elde 65 ýchaske ashyldy.
Ortalyq sailaý komissiiasynyń aldyn ala qorytyndysy boiynsha sailaýshylardyń (sailaýshylar tiziminde 11 814 019 adam boldy) 77,4 protsenti daýys berýge kelgen.
10 maýsymda Ortalyq sailaý komissiiasy prezident sailaýynyń aldyn ala qorytyndysyn jariialady.
OSK málimdeýinshe, 9 maýsymda ótken prezident sailaýynda kandidattar kelesidei daýys jinaǵan:
- Qasym-Jomart Toqaev - 70,76%;
- Ámirjan Qosanov - 16,02%;
- Daniia Espaeva - 5,2%;
- Tóleýtai Raqymbekov - 3,2%;
- Amangeldi Taspihov - 2,07%;
- Jambyl Ahmetbekov -1,82%;
- Sádibek Túgel - 0,92%.
