Memleket basshysy Mańǵystaý oblysyna jumys sapary barysynda óńirdiń týristik áleýetimen tanysty, dep habarlaidy Aqordanyń baspasóz qyzmeti.
Prezident Rixos Water World Aktau qonaq úi kesheniniń infraqurylymyn, sonyń ishinde jýyrda ashylǵan oiyn-saýyq parkin aralap kórdi. Aqtaý qalasynyń ońtústigindegi týristik aimaqty damytýǵa arnalǵan investitsiialyq jobalardy júzege asyrýǵa basa mán berildi.
Atap aitqanda, investorlar Memleket basshysyna golf klýby, saýda oryndary, villalary men apartamentteri bar halyqaralyq deńgeidegi qonaq úidiń qurylysy týraly aitty. Nysan biyl jyl sońyna deiin paidalanýǵa beriledi dep josparlanǵan.
Qasym-Jomart Toqaev usynylǵan investitsiialyq jobalarǵa oń baǵa berdi. Sonymen qatar týristik infraqurylymdy keńeitip, jetildirýdiń jáne týrister tartýdyń mańyzdy ekenin atap ótip, qurylys barysyn óz baqylaýyna alatynyn málimdedi.
