Memleket basshysy Densaýlyq saqtaý ministri Ajar Ǵiniiatty qabyldady. Qasym-Jomart Toqaevqa elimizdegi epidemiologiialyq ahýal týraly baiandaldy, dep habarlaidy Aqordanyń baspasóz qyzmeti.
Ministrdiń aitýynsha, qańtardyń ortasynda koronavirýs infektsiiasyn juqtyrǵandar sany táýligine 16 500 adam bolsa, búginde shamamen 1 500 adam tirkelgen. Jalpy elimizdegi epidemiologiialyq ahýal turaqty. Qazirgi ýaqytta statsionarlardyń 20 paiyzynda ǵana naýqastar em alyp jatyr. Sondai-aq Ajar Ǵiniiat kóptegen shekteý sharalarynyń alynǵanyn, oqýshylardyń dástúrli oqytý júiesine, kásiporyndardaǵy jumysshylardyń offlain jumys isteýine ruqsat berilgenin atap ótti. Vedomstvo basshysy revaktsinalaý jumystaryna erekshe kóńil bólinip otyrǵanyn jetkizdi.
Ministr Prezidentke densaýlyq saqtaý salasyn jetildirý jónindegi josparyn tanystyrdy. Onyń aitýynsha, ministrliktiń jumys jospary eń aldymen alǵashqy meditsinalyq kómekti jetildirýge, aýyl-aimaqtardaǵy densaýlyq saqtaý júiesiniń sapasyn arttyrýǵa baǵyttalǵan. Sonymen qatar biyl Balalar jyly bolyp jariialanǵandyqtan, balalardyń densaýlyǵyna kóp kóńil bólinedi. Atap aitqanda mekteptegi meditsinanyń jańa tártibi men standarty qabyldanady.
Memleket basshysy ministrliktiń jumys baǵytyn qoldaitynyn aityp, densaýlyq saqtaý salasyn odan ári damytý jónindegi jumystardy jalǵastyrýdy tapsyrdy.
