مەملەكەت باسشىسى دەنساۋلىق ساقتاۋ مينيسترٸ اجار عينيياتتى قابىلدادى. قاسىم-جومارت توقاەۆقا ەلٸمٸزدەگٸ ەپيدەميولوگييالىق احۋال تۋرالى باياندالدى, دەپ حابارلايدى اقوردانىڭ باسپاسٶز قىزمەتٸ.
مينيستردٸڭ ايتۋىنشا, قاڭتاردىڭ ورتاسىندا كوروناۆيرۋس ينفەكتسيياسىن جۇقتىرعاندار سانى تەۋلٸگٸنە 16 500 ادام بولسا, بٷگٸندە شامامەن 1 500 ادام تٸركەلگەن. جالپى ەلٸمٸزدەگٸ ەپيدەميولوگييالىق احۋال تۇراقتى. قازٸرگٸ ۋاقىتتا ستاتسيونارلاردىڭ 20 پايىزىندا عانا ناۋقاستار ەم الىپ جاتىر. سونداي-اق اجار عينييات كٶپتەگەن شەكتەۋ شارالارىنىڭ الىنعانىن, وقۋشىلاردىڭ دەستٷرلٸ وقىتۋ جٷيەسٸنە, كەسٸپورىندارداعى جۇمىسشىلاردىڭ وففلاين جۇمىس ٸستەۋٸنە رۇقسات بەرٸلگەنٸن اتاپ ٶتتٸ. ۆەدومستۆو باسشىسى رەۆاكتسينالاۋ جۇمىستارىنا ەرەكشە كٶڭٸل بٶلٸنٸپ وتىرعانىن جەتكٸزدٸ.
مينيستر پرەزيدەنتكە دەنساۋلىق ساقتاۋ سالاسىن جەتٸلدٸرۋ جٶنٸندەگٸ جوسپارىن تانىستىردى. ونىڭ ايتۋىنشا, مينيسترلٸكتٸڭ جۇمىس جوسپارى ەڭ الدىمەن العاشقى مەديتسينالىق كٶمەكتٸ جەتٸلدٸرۋگە, اۋىل-ايماقتارداعى دەنساۋلىق ساقتاۋ جٷيەسٸنٸڭ ساپاسىن ارتتىرۋعا باعىتتالعان. سونىمەن قاتار بيىل بالالار جىلى بولىپ جارييالانعاندىقتان, بالالاردىڭ دەنساۋلىعىنا كٶپ كٶڭٸل بٶلٸنەدٸ. اتاپ ايتقاندا مەكتەپتەگٸ مەديتسينانىڭ جاڭا تەرتٸبٸ مەن ستاندارتى قابىلدانادى.
مەملەكەت باسشىسى مينيسترلٸكتٸڭ جۇمىس باعىتىن قولدايتىنىن ايتىپ, دەنساۋلىق ساقتاۋ سالاسىن ودان ەرٸ دامىتۋ جٶنٸندەگٸ جۇمىستاردى جالعاستىرۋدى تاپسىردى.
