© Sputnik / Vladislav Vodnev
Memleket basshysy Qasym-Jomart Toqaev ishki ister ministri Marat Ahmetjanovty qabyldady, - dep habarlaidy "Ult aqparat" Aqordanyń baspasóz qyzmetine silteme jasap.
Prezidentke byltyrǵy qańtardaǵy kriminogen ahýal týraly aqparat berildi. Ministrdiń málimetine sáikes, keshendi aldyn alý sharalaryn júzege asyrý nátijesinde kisi óltirý, densaýlyqqa aýyr ziian keltirý, tonaý, urlyq, buzaqylyq, mal urlyǵy, sondai-aq, kóshede jasalǵan qylmystar sany aitarlyqtai azaiǵan.
Qasym-Jomart Toqaevqa kóshi-qon jaǵdaiy, uiymdasqan jáne esirtki qylmystaryna qarsy sharalar, quqyqbuzýshylyqtar men jol-kólik oqiǵalarynyń aldyn alý jumystarynyń nátijeleri jóninde baiandaldy.
Foto: Akorda.kz
Marat Ahmetjanov sybailas jemqorlyqqa qarsy saiasattyń 2022-2026 jyldarǵa arnalǵan Prezident bekitken tujyrymdamasy aiasynda politsiia qyzmetkerleriniń adaldyǵyn tekserý (Integrity check) jónindegi pilottyq jobanyń alǵashqy nátijeleri týraly esep berdi.
Ministr sheteldik avtokólikterdi zańdastyrý jumystarynyń barysy jaiynda da aitty. Sondai-aq, qoǵammen birlese otyryp, qoǵamdyq qaýipsizdikti qamtamasyz etýdiń 2024-2028 jyldarǵa arnalǵan tujyrymdamasy ázirlenip jatqany týraly baiandady.
Memleket basshysy azamattyq qoǵam ókilderi men jýrnalisterge qarsy baǵyttalǵan zańǵa qaishy áreketterdi jáne arandatýshylyqty áshkereleý jumystaryn jandandyrýdy tapsyrdy.
Sonymen qatar, Prezident elimizdegi quqyqtyq tártip pen qoǵamdyq qaýipsizdik deńgeiin odan ári arttyrý jóninde birqatar tapsyrma berdi.
