Memleket basshysy Qasym-Jomart Toqaev Joǵarǵy Sot tóraǵasy Jaqyp Asanovty qabyldady, dep habarlaidy "Ult aqparat" Aqordaǵa silteme jasap.
Qazaqstan Prezidentine Joǵarǵy Sottyń biylǵy birinshi jartyjyldyqta atqarǵan jumystarynyń qorytyndylary jáne sot júiesin jetildirý barysy jóninde málimet berildi.
Jaqyp Asanov Azamattyq protsessýaldyq kodeksti odan ári jańǵyrtýǵa baǵyttalǵan zań jobalarynyń daiyndyǵy jáne jańa ákimshilik ádilet institýtyn engizý jóninde baiandady.
Qasym-Jomart Toqaev sot sheshimderiniń sapasyn arttyrý jáne azamattardyń ótinishterin muqiiat ári ádil qaraý qajettigin aitty. Prezidenttiń pikirinshe, sýdialardyń quzyrettigin jáne olardy irikteý tetikteriniń ashyqtyǵyn qamtamasyz etýge qoiylatyn talapty erekshe nazarǵa alý kerek.
