Qasym-Jomart Toqaev Sooronbai Jeenbekovpen telefon arqyly sóilesti, dep habarlaidy Aqorda.
Áńgimelesý barysynda memleketter basshylary birin-biri qasietti Ramazan aiymen quttyqtady.
Prezidentter koronavirýs indetiniń taralýyn boldyrmaý jónindegi eki el úkimetteriniń atqarǵan tyǵyz ári júieli jumysyna jáne týyndaǵan barlyq máselelerdiń jedel sheshilgenine oń baǵa berdi.
Sooronbai Jeenbekov Qasym-Jomart Toqaevqa Qazaqstannyń gýmanitarlyq kómek kórsetkeni úshin rizashylyǵyn bildirdi.
«Biz baýyrlas qazaq halqynyń izgi nietin jáne Sizdiń jeke qoldaýyńyzdy árdaiym sezinemiz», – dedi Qyrǵyzstan Prezidenti.
Taraptar ekijaqty saýda-ekonomikalyq yntymaqtastyqtyń joǵary qarqynyn saqtaý úshin birlesken is-qimyldar qajet ekenin atap ótti.
Sonyń ishinde shekaradaǵy ótkizý beketteriniń jumys rejimin talqylap, koronavirýs pandemiiasy aiaqtalǵannan keiin onyń tolyqqandy jumysyn qaita qalpyna keltirýdiń mańyzdylyǵyna toqtaldy. Sonymen qatar memleketter basshylary eki el arasyndaǵy zańsyz taýar tasymalyna jol bermeý úshin naqty sharalardy júzege asyrý týraly ýaǵdalastyqqa qol jetkizdi.
Taraptar investitsiialyq yqpaldastyqty odan ári nyǵaitý maqsatynda Qyrǵyzstandaǵy qazaqstandyq kompaniialardyń jumysyna qatysty birqatar ózekti máselege erekshe mán berdi.
Telefon arqyly sóilesýge Qazaqstan tarapy bastamashy boldy.
