Qasym-Jomart Tokaevtyń tóraǵalyq etýimen Senat Biýrosynyń otyrysy boldy. Depýtattar Qazaqstan Prezidenti N.Nazarbaevtyń Jastar jylynyń ashylýynda aitqan bastamalaryn talqylady.
«Memleket basshysy jastardy muqiiat tyńdap, olardyń usynystaryna qoldaý kórsetip, jigerine demeý berdi. Prezident óz sózinde jastarǵa qatysty máselelerdi jan-jaqty taldap, sheshý joldaryn kórsete otyryp, naqty keńesterin aitty. Sonymen birge, jastarǵa sapaly bilim berý; jumyspen qamtý, turǵyn úimen qamtamasyz etý jáne otbasyn qurýǵa qajetti mańyzdy sharalardy júzege asyrý máseleleri boiynsha Úkimet pen ákimderge arnaiy jol kartasyn ázirleý tapsyryldy», - dedi Q.Toqaev.
Joǵarǵy Palata basshysy jastardyń bilimi men talaby, kúsh-qairaty men otanshyldyǵy elimizdiń damýyna árqashan tyń serpinmen áser etetinin aita kelip, jastardyń bul igi bastamalaryna árdaiym qoldaý kórsetýge Senat depýtattarynyń nazaryn aýdardy. Osyǵan bailanysty Q.Toqaev 7 aqpanda Senatta jastar saiasatyna arnalǵan dóńgelek ústel ótetinin, onda jastardy tolǵandyryp júrgen ózekti máseleler talqylanatynyn atap ótti.
Palatanyń 31 qańtarda bolatyn kezekti otyrysynyń kún tártibi kelisildi.
Senatorlar Kaspii teńiziniń quqyqtyq mártebesi týraly; 2014 jylǵy 29 mamyrdaǵy Eýraziialyq ekonomikalyq odaq týraly shartqa ózgeris engizý týraly hattamany; Eýraziialyq ekonomikalyq odaqtyń úshinshi memlekettermen, halyqaralyq uiymdarmen nemese halyqaralyq integratsiialyq birlestiktermen halyqaralyq sharttary týraly kelisimdi; TMD-ǵa qatysýshy memleketterdiń terrorizmge jáne ekstremizmniń ózge de zorlyq-zombylyq kórinisterine qarsy kúresti júzege asyratyn quzyretti organdardy materialdyq-tehnikalyq qamtamasyz etýdegi yntymaqtastyǵy týraly kelisimdi ratifikatsiialaý týraly zań jobalaryn qaraityn boldy.
Biýro otyrysynda Májilisten túsken zań jobalary Palata komitetterine bólinip berildi.
Konstitýtsiialyq zańnama, sot júiesi jáne quqyq qorǵaý organdary komiteti «Qazaqstan Respýblikasynyń sot júiesi men sýdialarynyń mártebesi týraly» Konstitýtsiialyq zańǵa ózgerister men tolyqtyrýlar engizý týraly» konstitýtsiialyq zań jobasy boiynsha bas komitet bolyp belgilendi.
Ekonomikalyq saiasat, innovatsiialyq damý jáne kásipkerlik komiteti «2010 jylǵy 9 jeltoqsandaǵy Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy Qazaqstan Respýblikasyna munai jáne munai ónimderin jetkizý salasyndaǵy saýda-ekonomikalyq yntymaqtastyq týraly kelisimge ózgerister engizý týraly hattamany ratifikatsiialaý týraly» zań jobasyn odan ári pysyqtaýmen ainalysatyn boldy.
Áleýmettik-mádeni damý jáne ǵylym komiteti «Qazaqstan Respýblikasynyń keibir zańnamalyq aktilerine balanyń quqyqtaryn qorǵaý jónindegi fýnktsiialardy júzege asyratyn uiymdardyń qyzmeti týraly ózgerister men tolyqtyrýlar engizý týraly» zań jobasy boiynsha bas komitet bolyp belgilendi.
