Qazaqstan Prezidenti Japoniianyń Premer-ministri Fýmio Kishidaǵa jedelhat joldady, dep habarlaidy "Ult aqparat" Aqordaǵa silteme jasap.
Jedelhatta Memleket basshysy Qasym-Jomart Toqaev Fýmio Kishidany Japoniianyń Premer-ministri laýazymyna sailanýymen shyn júrekten quttyqtaǵan.
– Japoniianyń baiandy órkendeýin jalǵastyrýǵa, elińizdiń dúniejúzilik qaýymdastyqtaǵy bedelin asqaqtatýǵa baǵyttalǵan igi isterińiz ben jańa bastamalaryńyz árdaiym tabysty bolýyna tilektespin. Qazaqstan men Japoniia arasyndaǵy keńeitilgen strategiialyq seriktestigimizdi búginnen de biik belesterge kóterýdi asyl maqsat tutyp, san qyrly salalardaǵy ózara tiimdi yntymaqtastyǵymyzdy odan ári nyǵaitý úshin Sizben kúsh-jiger jumyldyrýǵa daiyn ekenimdi rastaimyn, – delingen quttyqtaý hatta.
Qasym-Jomart Toqaev Fýmio Kishidaǵa qajymas qairat, asa jaýapty qyzmette laiym sáttilik, al dostas japon halqyna qut-bereke tilegen.
