قازاقستان پرەزيدەنتٸ جاپونييانىڭ پرەمەر-مينيسترٸ فۋميو كيشيداعا جەدەلحات جولدادى, دەپ حابارلايدى "ۇلت اقپارات" اقورداعا سٸلتەمە جاساپ.
جەدەلحاتتا مەملەكەت باسشىسى قاسىم-جومارت توقاەۆ فۋميو كيشيدانى جاپونييانىڭ پرەمەر-مينيسترٸ لاۋازىمىنا سايلانۋىمەن شىن جٷرەكتەن قۇتتىقتاعان.
– جاپونييانىڭ باياندى ٶركەندەۋٸن جالعاستىرۋعا, ەلٸڭٸزدٸڭ دٷنيەجٷزٸلٸك قاۋىمداستىقتاعى بەدەلٸن اسقاقتاتۋعا باعىتتالعان يگٸ ٸستەرٸڭٸز بەن جاڭا باستامالارىڭىز ەردايىم تابىستى بولۋىنا تٸلەكتەسپٸن. قازاقستان مەن جاپونييا اراسىنداعى كەڭەيتٸلگەن ستراتەگييالىق سەرٸكتەستٸگٸمٸزدٸ بٷگٸننەن دە بيٸك بەلەستەرگە كٶتەرۋدٸ اسىل ماقسات تۇتىپ, سان قىرلى سالالارداعى ٶزارا تيٸمدٸ ىنتىماقتاستىعىمىزدى ودان ەرٸ نىعايتۋ ٷشٸن سٸزبەن كٷش-جٸگەر جۇمىلدىرۋعا دايىن ەكەنٸمدٸ راستايمىن, – دەلٸنگەن قۇتتىقتاۋ حاتتا.
قاسىم-جومارت توقاەۆ فۋميو كيشيداعا قاجىماس قايرات, اسا جاۋاپتى قىزمەتتە لايىم سەتتٸلٸك, ال دوستاس جاپون حالقىنا قۇت-بەرەكە تٸلەگەن.
