Foto: Akorda.kz
Memleket basshysy Ýkraina Prezidenti Vladimir Zelenskiimen telefon arqyly sóilesti, dep habarlaidy "Ult aqparat" Aqordanyń resmi saityna silteme jasap.
"Ýkraina tarapynyń bastamasy boiynsha Memleket basshysy Qasym-Jomart Toqaev Ýkraina Prezidenti Vladimir Zelenskiimen telefon arqyly sóilesti. Eki el basshylary Qazaqstan men Ýkraina arasyndaǵy gýmanitarlyq bailanystar máselesin talqylady.
Qasym-Jomart Toqaev Resei men Ýkraina arasyndaǵy qarýly qaqtyǵysty BUU Jarǵysy men jalpyǵa ortaq halyqaralyq quqyq normalary negizinde diplomatiialyq jolmen sheshýge qatysty Qazaqstannyń ustanymyn rastady" - delingen habarlamada.
