Memleket basshysy Qasym-Jomart Toqaev Yildirim Holding kompaniialar tobynyń prezidenti ári bas direktory Robert Iýksel Iyldyrymdy qabyldady, dep habarlaidy Aqordanyń baspasóz qyzmeti.
Kezdesýde himiia ónerkásibi salasyndaǵy birlesken birqatar investitsiialyq jobany Qazaqstanda júzege asyrý perspektivalary talqylandy.
Robert Iýksel Iyldyrym Qasym-Jomart Toqaevqa Jambyl oblysy Sarysý aýdanyndaǵy kaltsii qosylǵan soda shyǵaratyn zaýyt qurylysynyń barysy týraly málimet berdi. Jobanyń quny – 400 million dollar.
Sonymen qatar túrik kásipkeri Memleket basshysyna Aqtóbe oblysyndaǵy «Voshod» ken ornynda hrom kontsentratyn óndirýge jáne ónim shyǵarýǵa qatysty investitsiialyq jobanyń júzege asyrylýy jáne elimizdiń birqatar óńirinde qatty paidaly qazbalardy barlaý jónindegi «Qazgeologiia» aktsionerlik qoǵamymen birlesken jumystary týraly aitty.
Kezdesý sońynda Qasym-Jomart Toqaev Túrkiiamen ózara tiimdi yntymaqtastyqty nyǵaitý mańyzdy ekenin atap ótip, kompaniianyń elimizdegi investitsiialyq jumystaryn qoldaitynyn jetkizdi.
