QR Prezidenti Qasym-Jomart Toqaev «Valdai» halyqaralyq pikirtalas klýbynyń otyrysyna qatysady. Bul týraly QR Prezidentiniń baspasóz hatshysy Berik Ýáli aitty, dep habarlaidy "Ult aqparat".
«Qazaqstan Prezidenti Qasym-Jomart Toqaev Resei Federatsiiasynyń Prezidenti Vladimir Pýtinniń shaqyrýymen 3 qazanda Sochi qalasynda ótetin «Valdai» halyqaralyq pikirtalas klýbynyń HVI otyrysyna qatysady. Shara álemdik saiasi qurylymdaǵy Shyǵystyń rólin talqylaýǵa arnalady», - dep jazdy Berik Ýáli facebook-tegi paraqshasynda.
Pikirtalas barysynda qazirgi álemdegi geosaiasi jaǵdaiǵa Shyǵystyń yqpaly, Eýraziia keńistigindegi saiasi jáne ekonomikalyq ózara is-qimyldardyń perspektivalary, Taiaý Shyǵys máseleleri qaralatyn bolady.
Plenarlyq sessiialar barysynda Qazaqstan men Resei basshylarynan basqa Ázerbaijan Prezidenti Ilham Aliev, Iordaniia Koroli II Abdalla jáne Filippin Prezidenti Rodrigo Dýterteniń sóz sóileýi josparlanǵan.
Biyl «Valdai» halyqaralyq pikirtalas klýbynyń jumysyna 37 elden, 140-tan astam sarapshy qatysady.
