Foto: Akorda.kz
Prezident Qasym-Jomart Toqaev jańa eki zańǵa qol qoidy, - dep habarlaidy "Ult aqparat" Aqordanyń resmi saityna silteme jasap.
"Memleket basshysy «Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy shekaralyq ókilderdiń qyzmet ýchaskeleri týraly hattamany (karta 1:200 000) ratifikatsiialaý týraly» Qazaqstan Respýblikasynyń Zańyna qol qoidy", - delingen habarlamada.
Senat bul zań jobasyn 16 aqpanda maquldaǵan. Hattamanyń negizgi maqsaty - Qazaqstan men Qyrǵyzstannyń shekara ókilderi óz fýnktsiialaryn oryndaýǵa jaýapty bolatyn memlekettik shekara ýchaskeleriniń aýmaqtyq shegin anyqtaý.
Hattamaǵa sáikes eki eldiń úkimetteri mynadai ýchaskelerdi anyqtaǵan: Qazaqstan tarapynan – Almaty, Qordai jáne Taraz ýchaskeleri; Qyrǵyzstan tarapynan – Esik-Kól, Shý jáne Talas ýchaskeleri.
Sondai-aq, Memleket basshysy «Úshinshi eldermen ózara saýdadaǵy tehnikalyq kedergilerdi joiý tártibi jáne sharttary týraly kelisimdi ratifikatsiialaý týraly» Qazaqstan Respýblikasynyń Zańyna qol qoidy.
Premer-ministrdiń orynbasary – saýda jáne integratsiia ministri Serik Jumanǵarinniń aitýynsha, zań Qazaqstannyń úshinshi elderge eksport úlesin 10 paiyzǵa arttyrýǵa múmkindik beredi. Kelisimdi qabyldaý odaqta jáne úshinshi eldiń aýmaǵynda belgilengen mindetti talaptardyń salystyrmalylyǵyn aiqyndaý negizinde sáikestikti baǵalaý nátijelerin ózara taný úshin jaǵdailar jasaidy.
