Memleket basshysy Ulybritaniia premer-ministri Liz Trassqa quttyqtaý jedelhatyn joldady, - dep habarlaidy "Ult aqparat" Aqordanyń baspasóz qyzmetine silteme jasap.
Prezident Qazaqstan halqynyń jáne jeke óziniń atynan Liz Trassty Ulybritaniia jáne Soltústik Irlandiia Birikken Koroldiginiń premer-ministri bolyp taǵaiyndalýymen quttyqtady.
Qasym-Jomart Toqaev Liz Trass úkimetti basqarǵan kezeńde Ulybritaniia budan da gúldengen jáne ornyqty memleket qurý jolynda tabandy túrde ilgerilei beretinine senim bildirdi.
"Qazaqstan Ulybritaniiamen berik dostyq bailanystarǵa, ortaq qundylyqtar men basymdyqtarǵa negizdelgen ári uzaq jyldar boiy qalyptasqan strategiialyq seriktestikti joǵary baǵalaidy. Qazaq-britan kópqyrly qarym-qatynasyn odan ári nyǵaitý jáne ózekti jahandyq máseleler boiynsha ustanymdarymyzdy úilestirý úshin tyǵyz yntymaqtastyqqa daiyn ekenimdi jetkizgim keledi", - dep jazylǵan Memleket basshysynyń jedelhatynda.
